WhatsApp Chat Ka Backup Google Drive Me Kaise Banaye

0

Mujhse kisi ne WhatsApp par message karke pucha hai ki Kaise WhatsApp Chat Ka Backup Banaya jata hai. Agar aapne new android phone liya hai toh purane WhatsApp message ko new phone me transfer karna chahte hai to ye article pura read kare. Google drive par backup banane se mobile phone ka storage bhi save hoga.

Read: Kisi Ka Whatsapp Account Kaise Use Kare

Backup Banane Ke Liye Kya Jaruri Hai

  • Android phone me Google account login hona chahiye.
  • Mobile me Google Play Services install hona chahiye.
  • WhatsApp chat ka backup banane ke liye Google Drive me jagah hona jaruri hai, kyunki Google drive me sirf 15 GB tak files, folder rakh sakte hai.

Yadi upar bataye gaye sabhi chize apke paas hai to aap WhatsApp Chat ka backup Google drive me bana sakte hai.



Fayde:

  • Phone chori hone par ya new phone kharidne par WhatsApp Chat transfer kar sakte hai.
  • Kisi aur phone me WhatsApp ki baate share kar sakte hai.

Read: Chori Ho Gaye Phone Ka Pata Kaise Lagaye

Backup WhatsApp Chats to Google Drive

Step 1. Apna WhatsApp open kare.

Step 2. Ab Settings > Chats > Chat backup option me jana hai.

Step 3. Yaha apko Google Drive Settings ka option dikhayi dega, uspar click karna hai.

Step 4. Phir apne hisab se Daily, Weekly, Monthly me se koi ek option select kar sakte hai. Yaha aap Daily wala option select karenge to achha rahega.

Step 5. Jis Google account me backup banana hai wo select kare.

Step 6. Back up over –  Yaha jis network par backup banana hoga wo chunna hai jaise Wifi ya SIM network par.

Step 7. Include Videos- Es option ko tick karne se Videos ka backup bhi banne lagega.

WhatsApp Chat Ka Backup Google Drive me banane ke liye setting complete hai.



WhatsApp Chat Restore Kaise Kare

  1. Sabse pahle Uninstall WhatsApp aur phir se WhatsApp ko install karna hai.
  2. WhatsApp par apna account phir se banaye.
  3. Account ban jane ke baad Restore WhatsApp History ka option milega, yaha Restore option par click kare. Isse Chat ka jo backup bana hua hai wo phone me phir se restore ho jayega.

Note: Iske liye wahi google account ka login hona jaruri hai jispar backup bana tha. Aap chahe to kisi aur phone me WhatsApp install karke aisa kar sakte hai, condition ye hai ki usi google account ka login hona jaruri hai. WhatsApp Chat Ka Backup Google Drive Me Kaise Banaye, Restore kare ye aap jaan gaye hai.



Google Drive Se WhatsApp Chat Delete Kaise Karte Hai

Drive me backup ka data WhatsApp folder se nahi banega. Isko “hidden app data” me dekh sakte hai. Iske liye Settings > Manage apps me jana hoga.

Chat ke Backup ko Google Drive Se Delete Karne Ke Liye Steps

  • Google drive open kare aur Settings > Manage apps me jaye.
  • WhatsApp Backup ke bagal me “Options” par click kare.
  • Yaha “Delete hidden app data” par click karne se Chat delete ho jayega.

Mujhe umeed hai ki ye article apke liye bahut helpfull hogi. Mai iss tarah ke article aur bhi publish karunga, aap mere website ko bookmark kar sakte hai. WhatsApp Chat Ka Backup Google Drive tricks ki tarah aur bhi baate website par likhi jaati hai.

Ye bhi padhe:

LEAVE A REPLY

Please enter your comment!
Please enter your name here

CommentLuv badge